Çka ka shkenca me lakuriqësi të përbashkët? Paranë! Me shkencë fitohet shumë vështirë paraja, lakuriq të vinë paratë pa e ditur hiq!
Kjo është motoja e Shkëndije Muja!

Si gazetë e re shkencore, në numrin tonë të parë kemi nderin të publikojmë punimin shkencor "Mos bë asgjë, për të u bërë rektor", nga rektori i Univerzitetit të Prishtinës "Trimi i mirë me shokë shumë".
Shkrimin e plotë e gjeni nga faqja 3 deri te faqja 3 e gjysmë, e këtu do shkëpusim disa fragmente nga ky punim.

"Kur njeriu zbuloj paranë si mjet që përdorej për këmbimin e mallrave, nuk e kishte idenë se paraja do të ndërronte pronarin edhe pa bërë asgjë! Fatkeqësisht, në atë kohë luftërat zhvilloheshin me sopata e lopata dhe popujt çlirimin e arrinin vet! Në kohën tonë gjërat ndryshuan, te ne filloj lufta, disa luftonin e shumica vështronin! Ata që nuk parashikonin të ardhmën vdiqën, ne të tjerët ose vështronim, ose shtirreshim se luftonim, se ne e dinim që pas luftës do të fitonim!"

"Me futjen e padronit tim, Behxhet Pacolli në qeveri, bota dukej ndryshe, sytë shihnin më ndryshe. Qeveria nga larg dukej ndryshe, ndërsa nga brenda u hapen horizonte të reja të karrieres! Kur shihja gjithandej kolegë, ministra, e besa edhe kryeministrin me super diploma, mendja më shkonte vetëm te Univerziteti, vetëm te ajo dhoma. Fundja, çka kanë më shumë se unë Mujë Rugova e Enver Hasani? Se mos kishin bërë diçka këta për univerzitetin? Në vend të skamjes u paraqiten €€€, në vend të varfërisë mendja më shkonte te një Revistë e Indisë, por ja që fati e deshi dhe u hap një revistë e tillë në Kosovë!"